Innovate or Die 2016
Beraz, ikasketarako esperientzia berezia da, izan ere parte hartzaileak Euskal Herriko enpresa mundura hurbilduko dira eta, aldi berean, taldean lan egiteko tresna berriak eskuratuko dituzte, eta irtenbide berritzaileak sortzeko ereduak ere bai.
Parte hartzen duten enpresek aukera izango dute proposamen original eta sortzaileak jasotzeko, diziplina anitzeko gazteen taldeetan landuak eta haien erronkei erantzuna emateko balio dezaketenak. Enpresa bakoitzak, gutxienez, hiru irtenbide jasoko ditu eta jardunaldiaren bukaeran onena aukeratuko du.
Jardunaldia dinamizatzen, esperientziadun erraztaileak arituko dira eta Team Academy-ko ekintzaile finlandiarren talde baten lankidetza ere izango da, parte hartuko duten taldeei laguntzeko beren esperientzia eta trebetasunak eskainita irtenbide berritzaileak sortzeko.