REACH Pitch Day 2023: industria-arazoetarako datuetan oinarritutako produktuak

B Accelerator Tower – ekitaldiaren lekua

2023/09/27

09:00 – 15:00

B Accelerator Tower. Gran Vía Don Diego López Haro, 1. Bilbao 48001 (Bizkaia)

REACH Pitch Day 2023: industria-arazoetarako datuetan oinarritutako produktuak – data erreserbatu

2023ko irailaren 26 eta 27an, REACH proiektuak Deustuko Unibertsitateak kudeatutako ekitaldi bat egingo du. 3. txandan sailkatutako 10 startup, Europako hainbat herrialdetakoak, Bilbon lehiatuko dira, proiektuaren esparruan antolatutako inkubagailuaren azken fasera zein pasatzen den ikusteko.

REACH Europako Batzordeak finantzatutako proiektua da, Horizonte 2020ren esparruan, eta datu-kopuru handiekin lan egiten duten enpresak sendotzea du helburu (Big Data). Big Data erabiltzea aktibo estrategikoa da enpresentzat, eta eraldatzeko ahalmen handia du. Ildo horretan, REACHek aukera ematen die startup berritzaileenei Europako hainbat herrialdetako enpresen datuei lotutako arazo errealak konpontzeko, hala nola: eraikinetan energia-kontsumoa optimizatzea, turismoa hobetzea, komunikazio-enpresentzako baliabideak optimizatzea, etab. Proiektuaren funtsezko helburuetako bat da datu handien merkatuan Europak garrantzi handiagoa izatearen alde lan egitea, Datuen Balio Katea kontzeptuaren inplementazioaren bidez Europako Datuen Ekonomia bat sortzea sustatuz.

Ekitaldi publikoa 2023ko irailaren 27an hasiko da, 9: 00etan, B Accelerator Tower-en. Bertan, proiektuaren koordinatzaileak, Reda Nouacerrek (CEA, Frantziako Energia Atomikoaren eta Energia Alternatiboen Batzordea), proiektuaren helburua aurkeztuko du, eta Diego López-de-Ipiñak (DEUSTO), inkubazio-prozesuaren koordinatzaile gisa, konponbideak pitch eran aurkezteko dinamika (MVPak) eta ebaluazioa azalduko ditu. Ondoren, startupak “pitch” batean lehiatuko dira. Bertan, beren proiektuak aurkeztuko dituzte eta epaimahai batek haien sendotasuna ebaluatuko du enpresaren ikuspegitik. Egun horretan bertan (15:00 CEST), EVOLVE inkubagailuaren azken fasera igaroko diren 5 irabazleak iragarriko dira.

Parte hartu nahi baduzu, bete ezazu honako Google form-a – foroaren inprimaki hau, gehienez 200 pertsonara arte, izen-ematearen hurrenkeraren arabera.

Aurrez aurre joaterik ez baduzu, jarraitu streaming bidez: www.youtube.com/live/4nfAP1FM9L